PRINS Bram 1e

Tijdens een wervelende goochelshow werd prins Bram 1e te voorschijn getoverd:

Prins Bram en adjudant Randy

samen met zijn Adjudant Randy zal hij dit jaar regeren over het Parkuule rijk.

Beste Vastelaovesvruunj,

Vuur diegene wat mich neet kinne ’n kleen vuurstelling.

Ich bin Bram van Venrooij (28 jaor jonk) zoeën van Paul en Fiet, bräörke van Suzanen Tom van Venrooij en vrund van Cynthia Tabak. Sinds kort nao ‘n 28 jaorige vakantie net euver de grens in Gebrook weer trök in ’t dorp wao ’t allemaol begos is; Austroa. Samen met Cynthia woeën ich op Achter den Hof 25, wao vier noe ruum ’n hauf jaor os thoes höbbe. In ’t dagelijks laeve wirk ich bie Petit Venbindt in Nuth es monteur. Hie zit ich de ganse daag tösje de kabels van alarmsystemen en camera’s. De sjötterie wao ich sinds 2 jaor lid van bin en es geweerdraager mitloup en mit sjeet op de ”bulkes” is ein van de hobby’s. In de vrieje tied slaon ich gaer taege ’n anger type “bulke” namelijk ’n tennisbal. Dizze sjport is doer ozze ganse femilie mitgegreujd en haet geleid tot ’n interne femilie competitie waoin pa helaas nog vaak aan ’t langste endj trikt!!
Nao jaore van vastelaovend viere mit femilie & vrung is ’t dit jaor ’t jaor dat ich doer ’t dorp zal gaon es Prins Bram I van de Parkuule!! Hieonger ’n kleen impressie van wie ’t geloupe is.
27 juni 2015 woerd ich doer Roy Ubachs benaderd tiedens de fieësaovend van de harmonie van Austroa. Roy flusterde: Bram gaesse zoeë aeve mit nao ’t toilet. Dao aangekomme kwaom de vraog van Roy: Wilse Prins van Austrao waere? Nao get twiefelen en euverlig thoes mit vrundin Cynthia is ’t belke gaon rollen.
Op 23 juli waor dao de ieërsjte geheimzinnige ontmoeting tösje Roy, Kevin en mich euver wat ’t allemaol inhoald. Hiebie waor ’t besef d’r nog neet echt dat ich Prins zou waere. Waal wist ich dat ich dizze kans neet meer mos laote sjeete.
Op 7 september kwaom Kevin bie os thoes op bezeuk om ’n sjtart te maken. Vier höbbe gekeken wat wannier geregels moos waer en wat d’r allemaol bie kump kieken. Natuurlik moos d’r ’n sjtaek en ’n pak waere oetgezog. Hienao begos ’t Prinsengeveul langzaam te dagen.
Op maondig 28 september wilde Randy samen mit ozze vrundinnen gaon oetaete. Dit waor de kans om ‘m te vraoge of hae mien adjudant wilde waere. Natuurlik waor d’r gein twiefel meugelik omdet Randy en ich altied al heije gezag es oeijt ein van de twieë prins woert ooch ein van os de adjudant zou zieën!! Dizze belofte höbbe vier in ieëre gehauwte!
Op 30 september zien Kevin, Cynthia en ich nao Salon Roger te Maaseik gegaon vuur ’t oetzeuke van ’n sjtaek. Wit met zilver en vuural neet te druk! Mit dat gegaeve waor’t binnen ’n hauf urke gepiept. Noe waor ’t wat betreft ’t Prinsengeveul waal dudelik.
Zaoterdig 10 oktober zieën Randy, Cynthia en ich gaon kieken vuur de kledij bie Pieters Dortu. Roy hauw de perfecte maot vuur mien kostuum gesjat dus waor ich zoeë klaor nao get passen. Ooch bie Randy waor ’t zoeë gepiept. Noe is waor ’t besef aanwezig dat d’r gein waeg mier trök is!
En dan is ’t moment dao dat vier op 15 oktober ozze kleding koste aafhaole. Hienao waor d’r thoes nog ’n pasrondje wao dan de ieërsjte foto’s woerte vastgelegd van de nuuje Prins en adjudant!
Nao dit alles waor d’r nog ’t bezeuk van de medaille-ontwerper. Nao get sjetsen te höbbe gemak kreeg ik in diezelfde waek get ontwerpen toegesjtuurd. Nao get aanpassingen woerte ooch de medailles en de pins besjteld!!
‘T enige wat noe nog moos gebeuren waor de Proclamatie om alles compleet te maken. Echter woert ’t nog spannend om alles binnen de paar luuj te hauwte die al op de heugte waore, want nao de “mansjluujmurge” van CCH Gebrook en ’t leedjeskonkoer van Austroa leepe de speculaties weer hoeëg op “wae o wae”de nuuje Prins zou waere. Hie waor ich in alle gevallen de groeëte favoriet, dus moos ich de letste waek mer schulen en väöle oetwaeg bedingen om ooch dees luuj nog inkele daag om de tuin te leiden!!
Op 28 november waor de daag aangebraoke waoop ’t allmaol ging gebeuren. ‘S meurgens höbbe vier ter ieëre van de verjaordig van Randy in Zitterd van ’n champagneontbijt genaote. Hienao zieën vier doeërgegange nao Carolus in Aachen om nog aeve lekker in versjillende baden gehieël tot rust te kommen vuur ’t moment!!
En dan kommen oeteraard de letste meest sjpannende oere van dizze sjoeëne belaeving:
Omstreeks 19:45 kwaome vier samen mit os veere aan vuur de aafsjiedsborrel van Prins Luc I; oeteraard waor de binnenkomst doer sommige al opgemerkt met speculerende kreten: “Hee Prins Bram”.
Omstreeks 20:15 gingen vier de zaal in en waor de ieësjte blik nao de bühn wao ’t +/- 3 oer later allemaol compleet zou waere.
Echter op ’t moment dat de whatsapp van Kevin verscheen dat de Prins en Adjudant nao boete koste gaon waore d’r diverse arendsogen die Randy en mich sjerp in de gaten holte. Dus dizze opdracht waor nao ’t aanmaete van ’n pak, oetzeuke van ’n sjtaek en ontwerpen van de medailles de meist lestige!! Nao ooch bie dees luuj oet ’t vizier te zieën gesjlaope kos ich met Kartoesj samen mien waeg nao boete maken wao Kevin al sjtong te wachten!!
Nao sjnel in ’t pak te zieën gekraope en nao aanmoedigings toesjpraken van Perry, Roy en Kevin kwaome mien auwers ooch binnen. Randy waor ongertösje ooch gearriveerd en begos zich in zien adjudantenpak te hijsen.
Nao ’t wachten op Luc, dae vuur mich in de goochelaars hoepel zien seizoen al kroepend aafwirkte, kos ich gauw mien waeg nao diezelfde hoepel maken vuur dao inkele tellen later te vuursjien getoverd te waere es de nuuje Prins van C.V. De Parkuule: Bram de ieësjte!!
Al mit al waor ’t van de “vraog of”tot en mit de proclamatie ‘nne geweldige tied.
Die tied die noe gaet volgen samen mit de Raod van Elf, de Jeugdprins -en prinses en ozze adjudanten zal ’n super vastelaovesseizoen waere!!! En oeteraard kinne v’r alle Austroase vastelaovesvierders dao neet bie missen!!!
Al met al was het van de “vraag of” tot en met de proclamatie een geweldige tijd.
de tijd die nu gaat volgen samen met de Raad van Elf, de Jeugdprins en –prinses en onze adjudanten zal een super vasteloavesseizoen worden!!! En uiteraard kinne ver alle Austroase carnavalsvierders doa neet bie misse!!!

Mit ’n dreimaol kreftig Allaaf sljeet ich miene “waeg nao ’t Prinsenschap” aaf!!
Ugge Prins Bram I