Ich zal mich aeve vuursjtèlle. Miene naam is Gwenn Meers. Ich bin van 12-09-2012, dus 11 jaore jonk (‘n sjpiciaal joartal mit carneval). Ich bin in Heëlehei op de Palmstjtraot gebore. 

Noe woon ich twièeneenhauf jaor op de Hoofdsjtraot hie in Austroa. Dit durp is het sjoanste durp wao ich tot huuj gewoond hub en ich dink ooch dat het ’t sjoanste blief!  

Ich zit in groep 8 op basissjoal de Verrekieker bie meister Tim. En same mit jeugdprins Jesper en oze  adjudante haet meister Tim eine echte carnevalsklas. Sjoan veur dem mèr al  hièlemaol veur os!!! 

Miene  hónd hèt Bobby, neet van Ernst, Bobbie en de rès, nae, geweun Bobby. Ik höb ooch twiè marmotte, Lotje en Claudia. Same mèt eine vreche knien Binky zin ze te gek! 

Mien groatste leefhöbberie is handbal bie Zjwart Wit  in Sjènne, ich sjpeel dit jaor in ‘t D2. Ich handbal al 5 jaor.  

Ich vier al vanaaf dat ich gebore bin carneval, mit mien awwesj Dewi en Michel Meers. Ik loog noch in de kingerwage en mien awwesj nome mich al euveral mit haer hahaha. De meiste tied höbbe veer carneval  gevierd in Gebrook bis veer nao Austroa zin verhoesd! Vanaaf dae tied weit ich ummer miè wat richtig carneval viere is en woar ich dat ’t leefste doon.  Hie natuurlik, hie in Austroa, hie is ‘t ech sjiek! 

Dit jaor zou ich veur de 3e kièr mit de Parkuulkes mitgaon , bis ich huèrde dat ich de nuuje jeugdprinses zou waere. Dit is miene druim dae noe oetkump, geluif ummer in dien druime want ‘t wirk ech! Angesj hej ich hie noeit es jeugdprinses Gwenn moche sjtaon.  

Ich sjpeel bekans mien ganse laeve al träöt en hie en dao prebeer ich ooch waal ins anger dinger , wie dieke tróm houwe, gitaar sjpeele, op de klarinèt, keyboard en zinge.  

Same mit sjötterie St. Gertrudis loup ich mit in eine ganse grappige en sjoane groep. De meziek woar ich ut leefs nao loester is sjöttersmeziek en carnevalsmeziek. 

Ich ving ‘t ech sjiek dat ich same mit jeugdprins Jesper en oze adjudante Evi en Noud carneval maeg viere! Einmaol op de buun kóm ich neet miè sjtop! 

Gwenn de 1e ALAAF.