Jeugdprinses Lieke I & Adjudant Ise

Ich bin Lieke Mevissen en ich bin 11 joar oud. Mien ganse leave woon ich al in een sjtroat dea sjreit om un prinses, de Kasteelsjtroat! Hie woon ich mit miene pap Bjorn, mam Ilona en breurke Milan. Ich zit in groep 8 op basissjoal de Verrekijker bie meester Tim.

Mien groatste hobby is voetbal. Ich sjpeel bie de JO-12 van VVA. Es prinses draag ich hie geen glazen muiltjes, mer noppen die bieten. In de verdediging sjtoan ich dan ooch mien mannetje.

Wiejer bin ich geer creatief bezig. Ich houd van knutselen en tekenen. Meestal eindigt dat in een mooi kunstwerk, mer af en toe ooch in een hoop chaos van kralen, lijm, sjtiften en verf.

Bin ich neet creatief of actief bezig, dan goan ich geer shoppen. De buusj van mien mam protesteert af en toe, mer ach, een prinses mot dr natuurlijk waal good bie loapen.

Op sjoal help ich geer bie de kleutertjes - later zou ich dan ooch geer juf willen wearen. Betaald kriegen om mit die klein kinjer te knutselen en plezeer te maken, wea wilt dat noe neet.

Carnaval vieren doon ich al zo lang es ich mich kin herinneren. Es dreumes ging ich al mit de optoch mit es cookiemonster en ich sjtong altied te dansen en te sjpringen op de bühn. De letste joaren hub ich ooch mit ozze carnevalsgroep ‘De Zeute Inval’ in menig optoch mit veul plezeer geloapen.

Sinds mien veerde wist ich ut al zeker: ooit wil ich jeugdprinses wearen! Veurig joar mocht ich adjudante zin van Jeugdprinses Fenna I, en dat woar al súperleuk! Dat ich noe zélf Jeugdprinses Lieke I moog zin, is echt een droam die oetkump.

Ich hub dr ontzettend veul zin in om dr dizze Vasteloavend same mit jeugdprins Jurre en ozze adjudanten Ise en Senn en alle vastloavendsvierders van Austroa een onvergeatelijk carnavalsfiest van te maken.

Austroa Alaaf!