PRINSELIJK TRIO 2019

PRINS MARC I

JEUGDPRINSES ELISE I EN JEUGDPRINS DAAN I

Even voorstellen

PRINS MARC I

Biste leef luuj,

Leuk dat gier de meujte numt om dit sjtökske te laeze. Dat betekent al dat vier allebei een dènk hetzelfde höbbe: Vasteloavend!

Volgens de sjoeëne traditie maog ich in dit Parkuulke get euver michzelf, Marc den ierste, Prins van de Parkuule en van Austroa, sjrieve. En dat wil ich dan ouch geer doon.

48 joar geleje bin ich net een uurke nao “Rozenmaondig” gebaore. Ich waor dus een Carnavals Kiendje en dat bin ich ummer geblieve!
Kleutersjool, basissjool, ummer veurop mit de karnaval. Verkleije en flauwekul kieke en verkoupe. Mit Vasteloavend verloert ich ouch mien hart aan mien leefste. Bienao net zoeë ene vasteloavesgek es mich. Same höbbe v’r twie kènjer. En het zal geen verassing zeen, ze zint alletwie ouch knatsjgek van de vasteloavend. De ierste nuuje optoch van Austroa in 2003 höbbe v’r mit het oudste mit geloupe en dat waor meteen pries! De optocht traditie waor dao. Os jongste dochter mocht in 2015 jeugdprinses waere bie de Parkuule. In dat joar höbbe vier de Parkuule van kórtbie mit moge make. Ich weet dus waal een bitske wat mich te wachte sjteet de kómmende sjpesjaale tied.
Al gans get jaorkes höb ich op lieskes gesjtange van kandidaat prinsen. En wie ich gevroagd woerd, waor dat toch nog gans onverwacht. Wie ich van de sjrik waor bekómme en naodat ich wist dat de rest van het gezin hiej ouch gans achter stjing, koam ene grote wunsj in vervulling. Ich ving het echt een groete ier dat ich dit joar in ós Austroa Prins moog zeen. Ich hoop dat Jean ene goje opvolger in mich haet.
De oud Prinsen weten natuurlik wat ich tot noe al hub doersjtange. De ierste offesjele geheime biejeinkóms mit de prinsenkommise, het vraoge van miene adjudant, het oetzeuke van een sjtaek (alles nog in dae werme zoemer), het pak passe en ophaole, de steek ophaole, vaere en sjoon koupe. Dan de proclamatie regels sjrieve. Ongertusje moos ich ouch nog zörge dat ich mich neet zou versjpraeke of verraoje.
Spannend waor ouch de veurbereijing op de proclamatie. Het tema dat de Parkuule heije gekaoze (La casa de papel) en dan Herriemenie Miserabel d’r bie. Wienie ich het zelf heij moge keze waor dat het hetzelfde gewaes. De nerve mit de proclamatie waore mit zoon muzikaal geweld in de ruk gans sjnel weg. Jabadabadai! Want nerveus waor ich natuurlijk waal; euver wieväöl luuj in de zaal waore en wie ze zólle reageren. Mer gelukkig: Wat waor dat sjiek! En ich weet zeker dat er nog gans väöl sjoeëne momenten de komende tied d’r aan kómme! Het zou natuurlijk het sjoeënste zeen wienie vier die momenten same kinne vieëre. Ich hoop dat vier os gans diks zulle treffe deesdaag in os sjoeëne Austroa.

 

Links, rechts, awt of jonk zal os neet deere,

in de Austroase Vasteloavend zal jekeree zich kinne ammezere.

Prins Marc I

JEUGDPRINSES ELISE I EN JEUGDPRINS DAAN I

Vol trots stoan veer hie, bedankt Levi en Veerle dat veer het stekske van uch moge euvernumme 

Veer zieen blie dat vier neet mier hove te zwiege

Veer bedanken ozze ouwersj en gaon d’r same ‘nne geweldige vasteloavend van maken

Veer zint gruuts dat Indi en Nine ozze adjudanten zin

Het wirt hoog tied dat de pap van Daan en de mam van Elise limburgs liere kallen

Dat veer same in groep 7 zitten en oetkieke noa de kingeroptoch van os sjoeel

Veer hope dat jekereen op maondig mit os de optocht mit lop

Dat de schutterij, de harmonie en sjpaskapel ’t zal Waal mit os vol gaas geven

Dat veer hope dat ozze ouwersj en vrung vuur ozze wagen lopen mit de optocht 

Veer hope dat gans Austroa mit os mit viert

Veer hubbe zin d’r in, hub Geer dat ooch?

Daan & Elise