Leef luuj van Austroa,
Ich wil mich gaer vuursjtèlle es nuuje jeugdprins van de Parkuule. Ich bin Jesper Schneiders en ich bin 12 joar oud. Getoge in buurtsjap Oud Dorp van Austroa. Hie woon ich mit miene pap Werner, mam Lilian en mien breurke Basten. Ich zit in groep 8 van basissjoal De Verrekijker bie meester Tim.
Ik höb versjillende leefhöbberieje: mountainbiken, skieje, laeze en gamen. Mèr het leefste bin ich bezig met voetballe. Ich sjpeel bie de JO-12 van VVA same met mien adje Noud en ich höb ein sezoenskaart bie Fortuna.
Ik hawt van lekker aete: Friete en Italiaans, mèr ich waer ech blie van taart en echte Limburgse vlaaj, het leefs mit fruit ‘Oet de Gaard’.
Ich ving het hièl erg sjoan om carneval te viere. Es kleen jungske heij ich al veul plezeer in het mitloupe in de kingeroptoch en de groate optoch van Austroa. Bie de kingersjpringmiddig bie Jan van Cep höb ich gans get pollenaise geloupe. Veurig joar woar Project 11 ooch gans te gek.
Sinds 4 jaor besjteet oze carmevalsgroep ‘De Zeute Inval’. Ich vingd nieks sjoander dan mit dees groep de optoch te loupe en mit de kinger te sjoenkele, te danse en te zinge.
Ik höb veul sjpas veuraaf gehad in de aanluip noa de proclamatie: de sjteek oetzeuke, óndersjeiinge laote óntwerpe en same iet Gwenn de proclamatieregels sjrieve en ien denske veurbereie.
Het kosde mich neet veel meujte om sjtil te houte dat ich jeugdprins zou waere mèr ónger het oetrope waor ich blie dat ‘t eindelek zoawied waor. Het waor eine top aovend dae ich neet sjnel zal vergaete.
Ich vruij mich hièl erg op de vastelaovend en gaon d’r dit jaor same mit jeugdprinses Gwenn en oze adjes Noud en Evi en groate prins Michel met ziene adjudant Pablo en alle vastelaovendsvierders van Austroa d’r eine fantastischste fees van make.
Austroa ALAAF!!!
Jeugdprins Jesper 1