Leef Luuj,

Ich bin Joost Boot en dit jaor gaon ich es jeugdprins Joost de Ièsjte van CV de Parkuule door ’t laeve! Ich bin 11 jaor en gebaore in Zwolle. Nao 3 jaor in de USA gewoond te höbbe, wone veer sinds 2022 in Austroa. Hie woon ich same mit miene pap JanWillem, mien mam Kirsten, mien zösterke Esmee en ozen hóndj Charlie. Ouch opa Dan en oma Gerda zin dit jaor bie óns kómme wone.

Ich zit in groep 8 op basissjoal de Verrekieker bie Meester Noah. Sjporte is mien grótste passie! Stilzitje kèn ich ech neet. Ich tennis, gaon mountainbike, spring op de trampoline, en mien groatste leefhöbberie is voetballe bie VVA in de JO12.

Mien levelingskleur is greun en mien levelingsaete… pufferkes mit poejersoeker.

Veurig sezoen moch ich es Parkuulke al moeze aan de Austroase Vastelaovend, en dit jaor maog ich es jeugdprins veurop goan bie dit sjoane fees! ’t Oetzeuke van miene sjteek, ’t óntwerpe van de medailles en ’t keze van ós leedje mit jeugdprinses Fenna woar te gek.

Same mit jeugdprinses Fenna, ós adjes Esmee en Lieke, en groate prins No mit ziene adjudant Remco, gaon veer d’r ’n fantastisch sezoen van make.

Austroa Alaaf!