

IIch zal mich aeve veursjtèlle, ich bin Fenna van der Vorst.
Ich bin gebaore in Gelaen op 17 September 2013 ( Prinsjesdaag) en bin noe 11 jaor. Mien ièsjte laevesjaor höb ich op de Prinses Beatrixsjtraot in Heële gewoond. Noe woon ich 10 jaor op de Streeksjtraot in Austroa, same mit mien ouwersj Jennifer en Michel, mien zösterke Saar en breurke Teun.
Ich zit in groep 7 van basissjoal de Verrekieker bie meester Tim.
Same mit miene adjudant Lieke voetbal ich bie Voetbalvereiniging Austroa in JO-11 en hub ich same mit miene opa en nónkes een sezoenskaart van Fortuna.
Al in de kingerwage ging ich mit mien ouwersj mit in de optoch van Gebrook, Heële en Kirchroa, same mit de carnevalsgroep ‘Dat bin ich vergaete’.
Ich ving nieks sjoander dan mit eine groep de optoch te loupe, same te sjoenkele, te danse en te zinge.
Aafgeloupe jaor bin ich same mit de Parkuulkes mit gewaes in de groate optoch van Austroa. Dat waor ein groat fees mit alle luuj oet Austroa en umsjtreke.
Het loupe van eine optoch ving ich hiél erg sjoan en dat doon ich ónger ’t sjöttesezoen mit sjötterie Sint Gertrudis. Woar ich lès krieg om later mit te maoge loup mèt de tróm.
’T kosde mich väöl meujte om sjtil te houte dat ich jeugdprinses zou waere en ’t neet van de daker aaf te sjriève.
Mèr noe maog jederein ’t weite dat ich jeugdprinses Fenna 1e bin, eine druim dae oetkump.
Ich ving ’t fantastisch om dit jaor mit jeugdprins Joost en adjudante Lieke en Esmee de vastelaovend same mit uuch te moge viere.
Veer gaon d’r ein gans sjoan careavalssezoen van make, ich höb d’r superväöl zin in!!!