Leef vasteloavesvrunj van Austroa.
T is zo wiet.
Bie unne gezellige aovend mit mien vrunj, is miene dreum oetgekomme. Ze vrooge mich de nuuje prins van Austroa te weare! Veule van uch kinne mich al, mer ig stil mich toch effe vuur.
Miene naam is No,
Vrunj en familie neumde mig Nooke en zo moogt gier mich noe ooch neume. Ich bin 30 joar jongk en woën op de Panhoessjtroat in Austroa. Ich woën alleen mit ‘t leefste hundje en teaves mien bèste vrundj Mylo.
Ich hub geliërd vuur automonteur en bin in mien dagelikse leave monteur in de vrachtwagen kranen biej HIAB Ealse. Ich bin mien leave begos in hartje Oejsbik en hub tot mien 12e in Kleen Doonder gewoënd. Toch bin ich groeët gebrach in Austroa. Ich bin hie noa de Verrekijker gegoan en hub tot mien 18e bie VVA gespiëld.
Es kindj woar ich al gans gek van de sjötterie, es kleen menneke sjtong ich mit ‘t truumke langs de sjtroat.
Teagewuurdig spielt de sjötterie van Austroa un groëte rol in mien leave. Ich bin betrokken in de muziekcommissie , jeugdcommissie en deil van t besjtuur. Biej de drumband loop ich veurop mit de trom, Mer dit joar goat g’r mich zeen es de keuning van de sjötterie.
Neet alleen van thoes oet mer ooch opgreuje tusje al mien vrunj en familie bie Jan van Cep heat gezörgd dat ich unne echt vasteloavendsvierder bin. Ich woar vreuger deel van de jeugdroad van 11 en doa is miene dreum om prins te weare begos. In 2011 is mien breurke Niek al jeugdprins van Austroa geweas, doa hub ver thoes allemoal ech van genoate.
Noe mooge vier dit es familie nog uns viere mit mich es groëte prins
Vanaaf de corona bin ich mit get vrunj in de austroase carnaval betrokken geraakt mit vastelaovesvereniging cv de Entermentaloco’s. Doa woar ich ‘t ieësjte boegbeeld en hub ich al mooge oefene.
2024/2025 is mien joar es prins van Austroa.
Dit zal ich saame doën mit miene adjudant en goeie vrundj Remco Poels. Dea woar ooch de adjudant van mien breurke Niek.
Dit wuurt unne carnaval om noëts mier te vergeate en veer hubbe d’r allebei enorm veul zin in om samen mit uch Austroa op de kop te zitten.
Vier zint allebei jongens van austroa en……
unne austroadeneer dea geet zo geer…
Austroa alaaf
